Нова музичка манифестација „Супер Скопје“ почнува вечер на Кејот „13 Ноември“ во главниот град.
Во наредните петоци и саботи манифестацијата ќе се одржува на различни локации и тоа во Старата скопска чаршија, улицата „Македонија“ и Боемската улица во Дебар Маало.
На Кејот „13 Ноември“ вечер во 21 часот ќе настапи Сергеј Четковиќ, а утре „Бајага и инструктори“.
Наредниот петок и сабота во чаршијата ќе настапат: Трикс, Гоца Тржан, Цена и Гоце САФ (25 август на плоштадот Скендербег) и Оркестра, Фанки Гуру, Енерџи бенд и Фиц – Студени нозе (26 август на плоштадот пред „Свети Спас“).
На 1-ви и 2 септември забавата ќе се организира на улица „Македонија“ каде ќе настапат: диџеј Дела од Антена 5, Ај Кју и Каролина Гочева (1 септември) и Тамара Тодевска и Нокаут со специјални гости – Игор Џамбазов и Гуру Харе (2 септември).
Забавата во последните петок и сабота од првата манифестација „Супер Скопје“ ќе биде на Боемската улица во Дебар Маало, каде се најавени настапи на Влатко Илиевски, Синтезис и Фолтин (8 септември) и на Нино Величковски и Тамбураши, Љубојна и Џамбо Агушев оркестар (9 септември).
Организатор на „Супер Скопје“ е ЈУ „Конгресен центар Александар Македонски“, а за реализацијата се задолжени од „Горила Вајлд ентертејмент груп“.