Во организација на Македонско-Германското стопанско здружение, денеска во Скопје ќе биде одржан шестиот по ред Октоберфест.
Организаторите најавуваат дека посетителите на настанот ќе можат да ја почуствуваат традиционалната атмосфера од Минхен во Македонија, со германски колбаси, различни германски и македонски пива и одлична музика.
Овогодишен генерален спонзор на настанот е Маккар-BMW.
Октоберфест е наменет за членовите на Македонско-Германското стопанско здружение, кое претставува најголемото билатерано здружение со 170 компании членови, домашни и странски комори и здруженија како и претставници од дипломатскиот кор, културата и медиумите.
Инаку, во Минхен е во тек е 179-от Октоберфест, што започна на 22 септеври и ќе трае до 7-ми октомври. Се очекува фестивалот да го посетат неколку милиони луѓе.