Во Македонската опера и балет вечер ќе се одржи традиционалниот новогодишен концерт на Македонската филхармонија, кој ќе го води диригентот Борјан Цанев.
– Оваа возбудлива музичка вечер ќе биде исполнета со нови интересни композиции од мајсторите на виенските валцери, мазурки и полки- членовите на семејството Штраус, но на програмата свое место ќе најдат и делата на Чајковски, Римски-Корсаков, Бородин и Монти.
– Концертот кој е многу популарен кај македонската публика, барем за миг ќе ги пренесе присутните во раскошот на Виена, додека на концертниот подиум музичарите на Македонската филхармонија ги изведуваат прекрасните и игриви мелодии, соопшти Филхармонијата.
Билетите за концертот се по цена од 600, 800 и 1000 денари.