Данскиот ресторан „Нома“ повторно е прогласен за најдобар на светот, според топ листата на угледниот британски гастромагазин „Restaurant“, на која од првото место го симна минатогодишниот победник, шпанскиот „El Celller De Can Roca“.
„Нома“ претходно оваа ласкава титула ја освојуваше три години по ред во 2010, 2011 и 2012-та.
Магазинот „Restaurant“ секоја година издвојува 50 најдобри ресторани во светот за кои одлучува жири од околу 900 гастрономски експерти.
Сопственик на „Нома“ е Рене Реџепи (36), кој потекнува од Гостиварско.
Со својата нордиска кујна Реџепи успеа да го потисне ресторанот „El Celller De Can Roca“ на второто место.
Реџепи, син на македонскио иселеник, со години во „Нома“ бил помошен готвач, а се специјализирал за јадења од пилешко.
– Посветувањето внимание на деталите од страна на Реџепи, иновативниот пристап во трагањето по храна и експериментирањето со ферментацијата – сетоа тоа потурнато со страста и неуморната љубопитност – повторно го доведоа неговиот ресторан на врвот, изјавија организаторите на вчерашното доделување на наградата во лондонскиот Gyildhall.