Децата го земаат примерот на своите мајки и во текот на времето ги преземаат нивните навики кога е во прашање конзумирањето алкохол, потврди едно истражување.
Во оваа студија следени се навиките на конзумирање алкохол на над 18.000 лица во текот на 14 години.
Докажано е дека тинејџерите во 16-та година се главно под влијание на своите врсници кога е во прашање алкохолот, додека ставовите на нивните родители имаат доста мало влијание.
Но, во 34 – та година тие пијат онолку колку што сметаат дека нивните мајки пиеле, повремено или континуирано.
Истражувачите открија дека доколку мајката конзумирала алкохол во поголеми количини, нивните деца во повозрасните години ќе пијат повеќе отколку што се препорачува.
Студијата не покажа поврзаност меѓу навиките на конзумирање алкохол на таткото и навиките на нивните деца кога ќе станат возрасни. Утврдено е дека татковците пијат повеќе надвор од домот, додека мајките тоа го прават пред децата што има поголемо влијание.
– Интересно е дека истражувањето покажало дека навиките на мајките стануваат навики на нивните деца откако ќе пораснат, рече Џонатан Бирдвел, водач на истражувањето.
Докажано е и дека лицата чии родители се разведеле до нивната петта година се повеќе подложени на алкохол.
Резулатите од истражувањето ќе бидат објавени во наредниот период, а препораката е дека родителската љубов и внимание се главна превентива за алкохолни проблеми, пишува „The Telegraf“.