Сите сакаме да почувствуваме или да понесеме пријатни мириси, меѓутоа истражувачите сега научно потврдија дека пријатните мириси влијаат убаво да сонуваме.
Спиењето му помага на организмот да закрепне, а мозокот да ги преработи информациите и емоциите. За да навистина биде лековито важно е сонот да биде мирен, никако испрекинат и со ноќни кошмари и чести будења поради вознемиреност.
Научниците од Универзитетот Нортвестерн од американската сојузна држава Илиноис, истражуваа како пријатните мириси на лековитите билки, овошјето и цвеќињата, влијаат на спиењето.
Испитаниците кои имале проблеми со сонот и ноќните кошмари добиле задача да спијат во миризлива просторија, а другата група спиела во соба без мириси.
Исходот е дека оние кои поминале „миризлива“ ноќ значително помирно спиеле, а научниците сметаат дека тоа е затоа што пријатните ароми асоцираат на убави моменти.