Веројатно најстрога казна за едно десетгодишно дете е да носи смешна облека во училиште, а тоа и се случи на Американката Кајели, која мајка и ја казнила да носи стара, смешна и износена облека.
Маќеата на Кајели, Ели се одлучила на овој вид казна откако дознала дека нејзината поќерка ги навредувала децата кои носеле стара и износена облека во училиштето.
– Некои од децата не сакаат повеќе да одат во училиште заради нејзиното задевање. Тоа е навистина штетно за нив – изјави Ели.
Всушност таа отишла во локалната продавница за облека од втора рака и за 50 долари ја купила најсмешната и најгрда облека која Кајели морала да ја носи два дена во училиште.
Кајели вели дека два дена плачела кога првиот пат ја видела облеката која морала да ја носи и дека и било многу тешко кога дошла во училиштето и ги затекнала другарките како и зборуваат зад грб. Меѓутоа Кајели потврди дека ја научила лекцијата и дека повеќе нема да ги задева другите.