Мачорот Лери има официјална титула „главен ловец на глувци во владината канцеларија“ во Велика Британија.
Британскиот премиер Борис Џонсон, навести дека ќе набави пес, кој во неговата канцеларија на Даунинг Стрит 10 ќе му се придружи на мачорот Лери, пренесува Ројтерс.
Обраќајки се пред персоналот, откако за првпат како премиер влезе во канцеларијата, Џонсн ги праша дали сакаат да имаат пес, а тие со одушевување одговорја позитивно, пренесе извор близок до персоналот на Даунинг Стрит 10.
Седиштето на британската влада, веќе е дом на кафено-белиот мачор Лери, кој титулата „главен ловец на глувци во владината канцеларија“ ја доби во 2011 година. Тој дочека и испрати двајца премиери на Велика Британија, Дејвид Камерон и Тереза Меј.
Изгледа Лери ја прифати веста за менувањето премиер во свој стил – виден е како лежи покрај прозорецот поголем дел од предпладнето, пренесува Ројтерс.