OpenAI предупредува дека вештачката интелигенција би можела значително да го промени пазарот на трудот, со ризик од исчезнување на одредени професии, но и можност за пократка работна недела благодарение на поголемата продуктивност.
Според извештајот на OpenAI, најизложени се работните места каде што голем дел од задачите можат да се извршуваат дигитално, аналитички или административно.
Меѓу нив се:
-деловни и финансиски операции
-компјутерски и математички работни места
-менаџерски работни места
-канцелариска и административна поддршка
-архитектура и инженерство
-правни работи
-уметност, дизајн и медиуми
-научна и истражувачка работа
-продажба
-образование и библиотекарство.
OpenAI проценува дека околу 18 проценти од работните места се изложени на реален ризик од автоматизација, додека други 24 проценти би можеле да го намалат бројот на вработени. Сепак, тие нагласуваат дека техничката можност за автоматизација не значи автоматски губење на работни места
OpenAI предлага владите да ги охрабрат работодавачите и синдикатите да воведат четиридневна работна недела од 32 часа со целосна плата. Идејата е дека повисоката продуктивност, постигната со помош на вештачката интелигенција, не само што ќе се претвори во поголем профит за компаниите, туку и во конкретни придобивки за работниците.
Ваквите придобивки би можеле да се искористат за трајно пократка работна недела, дополнителни слободни денови или подобри бенефиции за вработените.