Потребно е: 1 чаша=250 мл
1 чаша сок од портокал
1 чаша масло
500 гр маргарин (растителен)
1 мало лажиче сода бикарбона
3 лажици шеќер
7 чаши брашно
мелени ореви за валкање на колачињата
за шербет:
2 чаши вода
2 чаши шеќер
Подготовка:
– Прво направете го шербетот. Во едно тенџере ставете да се вари водата и шеќерот околу 20 минути. Оставете да се излади.
– Замесете тесто од горе наведените состојки. Со лажица вадете од смесата и ставајте во тава на хартија за печење.
– Ставете ги да се печат во претходно загреана рерна на 180 целзиусови степени додека малку не поруменат.
– Оставете убаво да се изладат и така изладени ставете ги малку во шербетот и потоа увалкајте ги во мелени ореви.