Како денешен десерт подгответе го ова вкусно безглутенско слатко задоволство …
Потребно е:
100 гр оризово брашно
100 гр брашно од хељда
30 гр нишесте
1 пакетче прашок за пециво
2 пакетчиња ванилин шеќер
60 гр кафеав шеќер
100 гр путер
1 лажица мед
100 гр џем од јагоди
200 мл млеко
2 круши (околу 250 гр)
за преливот:
50 гр путер
40 гр кафеав шеќер
1 лажиче цимет во прав
3 лажици млеко
Подготовка:
– Во еден сад измешајте ги сите суви состојки: двата вида брашно, нишесте, прашок за пециво, шеќер и ванилин шеќер. Додадете го растопениот путер и измешајте.
– Во друг сад на тивко загрејте го џемот од јагоди со медот. Ова додадете го во горната смеса и измешајте.
– Додадете го и млекото и повторно убаво измешајте. Смесата истурете ја во тава за печење (34х20 см) обложена со хартија за печење.
– Крушките исецкајте ги на тенки листови и распоредете ги на смесата во тавата.
– Ставете да се пече во загреана рерна на 180 целзиусови степени околу 30 минути.
– Во меѓувреме во еден сад на рингла загрејте ги до вриење шеќерот, путерот, млекото и циметот. Тргнете го садот на страна.
– Со горната смеса прелијте го колачот и вратете го во рерна да се допече уште 5 минути.
– Оставете го убаво да се излади и послужете.