Американската ријалити ѕвезда Ким Кардашијан во ново интервју зборуваше за својот љубовен живот и откри дека по разводот со Канје Вест во 2021 година, освен кратката врска со Пит Дејвидсон, пет години била сама.
Периодот без љубовни врски го опиша како одличен, бидејќи можела да им се посвети на своите деца и на проектите во кои навистина сакала да учествува.
„Навистина не чувствував никаква потреба да брзам. Мислам, навистина не се чувствував празно. Чувствував дека ми треба време“, изјави таа во интервју за The Times.
Таа изјави дека се надевала целосно да се „опорави“ и едноставно да работи на себе по бурниот развод со Канје Вест, со кого има четири деца.
„Не бев подготвена да се отворам. Всушност, воопшто не размислував за тоа. Универзумот работи во твоја корист кога едноставно ќе му дозволиш“, раскажа таа.
Ким Кардашијан и Луис Хамилтон во февруари годинава потврдија дека се во врска, откако заедно се појавија на Super Bowl. Оттогаш главно ја држат врската подалеку од очите на јавноста, но повремено објавуваат заеднички фотографии на социјалните мрежи.