Анасонот го ублажува дигестивните мачнини кои се јавуваат поради претеруање со храната, морското оравче го чисти црниот дроб, нането ја ублажува надуеноста, а каранфилчето – желбата за алкохол.
Нане
Празничните мачнини најчесто се проследени со надуеност поради претерување со храна и пијалак, најдобро решение за овие непријатни проблеми е нането. Оваа билка ги олеснува болките во стомакот и воспалението на дигестивниот тракт и го намалува чувството на глад. Тоа е најдобро да се пие како чај.
Жалфија
Освен што го подобрува расположението, жалфијата го зајакнува помнењето така што го поттикнува настанувањето на ацетилколинот што е неуротрансмитер задолжен за внимание и подобра меморија. Таа особено помага после бурно проведена ноќ. Идеална е како додаток на јадењата од тестенини и во супите, па може да биде вклучена во вашето празнично мени.
Цимет
Претерувањето со слатки, циметот го држи под контрола. Овој зачин богат е со антиоксиданси кои го стабилизираат нивото на шеќерот во крвта и го намалуваат апетитот за јагленхидрати. Една лажичка на ден го намалува шеќерот а со тоа и ризикот од дијабетис.
Мајчина душица
Во зимскиот период постојат чести настинки кои го отежнуваат дишењето, тоа може да го ублажите со мајчина душица.Таа е вистински сојузник во борбата со бронхитисот и воспаление на синусите, делува на ширење на бронхиите и ги уништува бактериите. Го поттикнува варењето и им помага на луѓето кои имаат чир на желудник.
Каранфилче
Каранфилчето е богато со антиоксиданси и делува како благ антисептик. Нежено е во желудникот, го олеснува варењето и ги уништува бактериите. Според народното верување шмукањето на две каранфилчиња во уста без да се џвакаат или голтаат ја намалува желбата за алкохол. Одличен додаток е за слатки, но и зачинети сосови.
Анасон и морско оревче
Ако претерате со храна мачнините освен со нане можете да ги ублажат анасонот и морското оревче.Т ие ја намалуваат надуеноста, болките во стомакот и гадењето. Џвакање на анасон помага во отстранување на лошиот здив, а неговата предност е во тоа што е многу застапена во кулинарството. Морското оревче одлично е за детоксикација на црниот дроб кој на организмот многу му е потребен по празниците. Овие зачини се користат како додаток на ориз, тестенини, колачи и во житарки.