Најромантичните хотели за парови за Денот на вљубените се Апартманите Анастасис на грчкиот остров Санторини. По нив следуваат Ла Минерва, Капри во Италија и хотелот Кранли Бутик во Велика Британија, покажува листата објавена на францускиот сајт TripAdvisor.
Листата на најидеални места за прослава на Денот на вљубените е составена врз основа на мислењата и личните искуства на милиони туристи во хотелите ширум светот минатата година.
Хотелот Секре де Пари се најде на врвот на листата најромантични места во Франција, на второто место е хотелот Бастид де Булбон во департментот Буш де Рон, додека на трето место е Естелери Ла Шенодиер во Алзас, во гратчето Колру Ла Рош.