Социјалната мрежа за споделување на фотографии „Инстаграм“ наскоро ќе овозможи прикажување на слики во висока ХД резолуција.
Инстаграм денеска потврди дека наскоро ќе прикажува фотографии со резолуција од 1080х1080 пиксели, што значи дека при прикачување сликите повеќе нема автоматски да се „сечат“ и со тоа ќе се спречи губење на некои детали.
Досега Инстаграм дозволуваше прикачување на фотографии со резолуција од 640х640 пиксели.
Популарната социјална мрежа, која е во сопственост на „Фејсбук“, месечно има повеќе од 300 милиони активни корисиници.