Поп-ѕвездата Бритни Спирс (43) се огласи на Инстаграм откако американските медиуми објавија дека добила официјално предупредување за несоодветно однесување на приватен лет од Кабо Сан Лукас, Мексико, до Лос Анџелес во четвртокот.
Според „People“ и „TMZ“, пејачката консумирала алкохол и запалила цигара за време на летот, што предизвикало загриженост кај членовите на екипажот. Стјуардесите ја предупредиле да ја изгаси цигарата – што таа го направила – но за време на летот биле контактирани властите, кои ја чекале по слетувањето во Лос Анџелес.
Потоа пејачката добила официјално предупредување, по што била ослободена без понатамошни последици.
„Признавам, пиев вотка за прв пат во мојот живот!!! Се колнам, се чувствував толку паметно!! Си реков: „Леле, што е ова?!“ Се чувствував бистра и паметна! И реков: „Ми е доста од пушење!!!“ Мојот пријател ми стави цигара во уста и ја запали, а јас си помислив: „Ах, ова е авионот каде што можеш да пушиш!“
Britney Spears Defends Odd Plane Behaviorhttps://t.co/eA5JJjgsxj pic.twitter.com/ltEwJ9FztS
— JOJO METHOD (@SlimMethod) May 24, 2025
Потоа Бритни се извини ако навредила некого, но нагласи дека „секогаш ионака ја ставаат во задниот дел од авионот“.
Таа исто така откри дека била убедена дека службените лица на аеродромот ја пречекале како „поддршка“, бидејќи, како што вели, „се чувствувала посебно“.
„Стјуардесата ги повика службените лица затоа што запалив цигара!!! Ме засрами непотребно. Не ме сакаше од моментот кога се качив во авионот! Никој немаше во авионот првите 20 минути, а не ми дозволуваше да станам! Сакав да ги истегнам нозете, но ме натера да седнам. Се однесуваше чудно! Не ми се допадна ниту како ми го стави безбедносниот појас – беше како да го нарушува мојот личен простор!“
Заедно со својата објава, Бритни сподели и видео на кое држи шише алкохол додека седи во авион.