Готвачот Александар Симјановски од гевгелискиот ресторан „Боко“ е добитник на титулата „мајстор готвач“ на меѓународниот фестивал кој се одржа викендов во хрватскиот приморски град Макарска.
Симјановски во конкуренција на 15 готвачи од шест земји, се закити со плакета и златен медал за извонредно знаење и вештина во категоријата за приготвување и декорирање на јадења.
– Редовно учествувам и на гастрономскиот меѓународен фестивал во Супетар, на островот Брач, но ова досега е мојот најголем дострел од настапите на меѓународните фестивали на кои упешно ја претставувам и мојата земја Македонија, за што сум особено горд и радосен, рече Симјановски.
Гевгелискиот ресторан „Боко“ како минатогодишен победник во категоријата „најдобри ресторани“, во хотелот Мирамар во Макарска организираше македонска вечер со презентација на најдобрите македонски кулинарски специјалитети.