Најдебелата жена во светот Черити Прајс (38), планира да се венча со своето речиси двојно помладо момче Тони Сајера (21), а за да може да облече невестински фустан мора да ги намали килограмите.
Тони и помага на својата сакана за да собере пари и да направи гастро бајпас кој би можел да и го спаси животот.
Таа има 346 килограми и за да застане пред олтарот ќе треба да се помачи.
„Не сакам дома да се венчам. Сакам сама да прошетам во невестински фустан до олтарот, а планирам да носам и каубојски чизми за да играм цела ноќ“, рекла Черити која веќе се пријавила во едно реално шоу во кое би ослабела за почеток до 270 килограми, колку што и се потребни за да оди на гастро бајпас, односно подврзување на желудникот.
Черити, која е самохрана мајка на 17 – годишна девојка, во меѓувреме има заболено од лимфедем, собирање течност во ткивата поради што на левата нога има и голем оток. Имала и незгода, паднала, па сега дополнително потешко се движи, но сето тоа нема да ја спречи во намерата да ја доведе линијата во ред.
