Париз е познат по своите кулинарски вештини, но дури и просечниот жител на овој град ќе се изненади кога ќе ја види фантастичната креација во излогот на една продавница – колосално чоколадно дрво со мајмуни.
Дрвото високо пет метри е дело на Патрик Роже и се наоѓа во неговата продавница на Плоштадот Мадлен (Place de la Madeleine).
Пет тони чоколадо му биле потребни за да изгради дрво со листови, корења, гранки и верен приказ на мајмуни, без каква било структурна поддршка.
Со други зборови, целата композиција е кревка, што е очекувано за едно уметничко дело од шеќер и какао.
– Многу е ризично, објаснува Рожер. – Додека поставувавме еден мајмун, ни падна и целиот се искрши, додаде тој.
Освен атрактивноста, делото на Рожер носи и еколошка порака – намера му е да го сврти вниманието кон проблемот со африканските диви животни, кои се пред изумирање поради човечката експанзија.
– Ако успеам да сочуваме два мајмуна, ќе сочувам и 100 хектари земја, објаснува Роже. – Голем дел од мојата работа зависи од вегетацијата и затоа ова ми е многу важно, дополни тој.