Во село Чалакли, Валандовско, денеска ќе се одржи Регионалниот фестивал на слатко од диви смокви што го организираат Слоу фуд тера Гевгелија, Слоу фуд Дојран, Слоу фуд Богданци и новоформираниот Слоу фуд Валандово.
Учесниците ќе приготвуваат слатко од диви смокви, а посетителите ќе дегустираат. Воедно ќе биде промовиран рецептот за правење на овој традиционален производ. Предвидено е и дегустирање традиционални јадења наследени од нашите предци во југоисточна Македонија.
Фестивалот што досега се одржуваше во Гевгелија, Дојран и Богданци, ќе го отвори градоначалникот на Валандово, а гостите ќе бидат пречекани со послужување традиционално домашно лепче.
Истовремено со Фестивалот, ќе се одржува и 24. Фестивал на народни ора и песни од Македонија и Турција под покровителство на министерствата од двете земји.