Оваа необична комбинација дава совршен вкус…
Потребно е:
500 гр јаболки
500 гр киви
350 гр шеќер
1 лажица нишесте
Подготовка:
– Јаболките измијте ги убаво и излупете ги. Излупете ги и кивите. Целото овошје исецкајте го на коцки.
– Ставете го овошјето во тенџере на рингла заедно со шеќерот и нишестето (претходно разматено во малку вода). Оставете да почне да врие, намалете ја температурата и варете 10-тина минути. При варењето ќе се појави пена која постојано треба да ја тргате.
– Сварениот џем изблендирајте го со рачен блендер но не сосема, треба да останат мали парчиња од овошјето.
– Топлиот џем сипете го во топли тегли, затворете го со капаци и оставете го полека да се излади.
– Вака подготвениот џем чувајте го во фрижидер.