Деветгодишно момче, во германскиот град Швандорф, предизвика експлозија во својата куќа откако стави термометар во загреана рерна.
Тој го направи ова за да ја убеди мајка си дека е болен, соопшти тамошната полиција.
Според германските власти, рерната беше загреана на околу 200 степени Целзиусови, а термометарот експлодираше по кратко време.
Членови на противпожарната служба и полицијата дојдоа на местото на настанот. Никој не е повреден во инцидентот.
Полицијата изјави дека поради присуството на жива во термометарот, рерната повеќе не може да се користи за подготовка на храна и дека е потребно да се замени.