Деми Мур го донесе своето куче во познатиот музеј „Лувр“ во Франција и покрај строгите правила, кои забрануваат животни.
Таа на својот инстаграм-профил сподели фотографии од посетата.
На една од нив Мур (59) го држи Пилаф во рацете пред бесценетата слика „Мона Лиза“, што ги поттикна фановите да се запрашаат како актерката воопшто успеала да го внесе.
На веб-страницата на „Лувр“ конкретно е наведено дека на сите животни – со исклучок на кучиња водичи – им е забранет влез во музејот.
„Сите животни, со исклучок на кучиња водичи или кучиња што придружуваат лица со моторни или ментални нарушувања“, стои на веб-страницата во делот со наслов „Забранети предмети“.
Ниту една друга личност не се гледа на фотографиите, што сугерира дека Деми била на приватна обиколка на музејот.
„Како е дозволено ова?“, коментира еден корисник на „Инстаграм“.
„Жално е кога познатите личности ја злоупотребуваат својата слава и ги носат своите миленици на места каде што ние обичните луѓе не можеме. ‘Лувр’ има политика ‘без миленичиња’, со исклучок за животни помагачи. Деми Мур, треба ова да го знаеш!“