Неодоливи чоколадни колачи со кремасто полнење …
Потребно е:
за тестото:
80 гр пченично бело брашно
40 гр путер
2 јајца
125 мл вода
10 гр шеќер
10 гр какао во прав
1 прстофат сол
за чоколадниот крем:
100 гр црно чоколадо
250 мл чоколадно млеко
30 гр шеќер во прав
2 жолчки
Подготовка:
– Загрејте ја рерната на 180 целзиусови степени.
– Замесете го тестото. Во сад на рингла ставете ги водата, путерот, шеќерот и солта и загрејте ги додека да се растопат состојките и да добиете хомогена смеса.
– Тргнете го садот од рингла и додадете ги брашното и какаото во прав. Вратете го садот на рингла на ниска температура и со дрвена лажица мешајте го тестото околу 5 минути додека да се стврдне. Тестото треба да се одвои од дното на садот.
– Тргнете го садот на страна и оставете да се излади тестото. Додадете ги јајцата, едно по едно и силно мешајте додека да добиете хомогено тесто.
– Тавата за печење обложете ја со хартија за печење. Со мало лажиче земајте од тестото мали парчиња и наредете ги во тавата.
– Ставете да се печат во загреана рерна околу 30 минути без да ја отварате рерната додека се печат.
– Додека се печат преминете на подготовка на чоколадниот крем. Во сад на рингла растопете го чоколадото.
– Во друг сад изматете ги жолчките, шеќерот и брашното. Полека додадете го чоколадното млеко и измешајте. Оваа смеса сипете ја во растопеното чоколадо и со постојанко мешање околу 2 минути варете ја на рингла додека да се згусне.
– Испечените еклери извадете ги од рерна и оставете да се изладат. потоа исечете им го горниот дел како капаче и наполнете ги со изладениот чоколаден крем. На крај затворете ги со капачето.
– По желба одозгора може да ги посипете со шеќер во прав или со растопено чоколадо.