Шампон од говедска коскена срж, маски за лице од свинска маст, четкици за заби од влакна од јазовец. Звучи бизарно, но тоа се вистински совети од водичот за убавина од далечната 1873 година.
Неодамна се објавени два водичи за убавина од времето на кралицата Викторија со трикови кои за денешните можности навистина се многу чудни.
„Beauty, What It Is and How to Retain It“ е доказ дека грижата за убавината не е нешто што го измислила новата генерација.
Опфатени се сите аспекти на режимот за убавина – од формирање на телото и грижа за тенот до здравјето и фустаните. Некои совети се безвременски, додека други потсетуваат на времето кога е создаден прирачникот.
– Водата за миење треба да биде дождовница, но лондонската дождовница треба да се филтрира за да ја исчистите од нечистотија, пишува во водичот за убавина од некое друго време, затоа што тешко е воопшто да се помисли дека некој би користел филтрирана дождовница за нега на лицето покрај сите готови производи кои ни се при рака.
Тие кои се подготвени да експериментираат со старинските рецепти и советите знаат каде можат да побараат инспирација.
Времето на владењето на кралицата Викторија е синоним за стриктно морален период, време на потиснување на сексуалноста и користење минимални количини на шминка.