Карла, ќерката на измамениот маж, изјавила дека нејзиниот татко редовно испраќал пари на лице кое преку пораки се претставувало како Селин Дион и тврдело дека се наоѓа во финансиски тешкотии, пренесува телевизијата БФМ.
Според неа, тој ги испраќал парите во форма на подарочни картички во вредност од 200 до 300 евра, кои ги купувал во трговскиот синџир Карфур.
„Во пресрет на Нова година 2025 година, татко ми цел ден седеше пред влезната врата, со спакувани куфери“, изјавила Карла, наведувајќи дека очекувал со такси да замине на аеродромот, од каде што наводно со приватен авион требало да биде префрлен во САД.
„Самиот плати цело богатство. Секако, никој не дојде“, додаде таа.
Семејството се обидело да го убеди дека станува збор за измама, но без успех.
Карла наведе дека нејзиниот татко на измамниците им испраќал и лични податоци за членовите на семејството, вклучително и фотографии, адреси и информации за внуците.
„Поради тоа не се чувствуваме безбедно“, заклучи таа.