Супстанците кои се наоѓаат во разни билни намирници можат да го регулираат нивото на шеќерот во крвта кај луѓето, кај кои постои ризик од болести на срцето и дијабетис, покажаа резултатите од најново истражување.
Истражувачите откриле дека исхраната богата со билни антиоксиданси полифеноли го намалува нивото на шеќерот во крвта.
Антиоксиданси се наоѓаат и во темното чоколадо, зелениот чај, кафето и маслиновото масло.
Шефот на истражувачкиот тим Лутгарда Бочето изјави дека луѓето завреме на испитувањето лесно се прилагодиле на насоките од научниците. Бочето е научник од Универзитетот „Федерико Втори“ во Неапол, а студијата ја претставила на Конгресот на Европското друштво за борба против артеросклероза.
Во друга студија се истражувала користа од кафето, зелениот чај и темното чоколадо. Откриено е дека овие антиоксиданси, освен што го намалуваат ризикот од дијабетис и болести на срцето, спречуваат и одредени видови на канцер и помагаат при работа на мозокот.