Вечерва во 19 часот во Универзалната сала, лидерот на СДСМ, Зоран Заев ќе ја објави 8. бомба. Прес конференцијата е со наслов „Изборен грабеж“.
Поради големиот интерес на граѓаните кои масовно го најавуваат нивното присуство за вечерашната трибина, пред Универзалната сала ќе бидат поставени два видео бима каде граѓаните кои нема да успеат да влезат ќе може да ја следат прес конференцијата во живо.
Оние кои нема да можат да дојдат во Универзална сала, истата ќе може да ја следат и во живо на официјалната веб страница на СДСМ, www.sdsm.org.mk и на неколку портали, меѓу нив и на А1он.
Повеќе од 120 новинари и сниматели досега се акредитирани за следење на прес конференцијата, а присуство најавија и претставници на меѓународната заедница.