Во СВР Велес вчера во 9:55 часот било пријавено дека на ул. „Раштански пат“ во Велес, 28 годишниот Ј.Д. од Башино Село, велешко, управувајќи електричен велосипед, изгубил контрола и паднал на патот.
Во несреќата Ј.Д се здобил со тешки телесни повреди, а констатирани во Ургентен центар при ЈЗУ Општа болница Велес, информира денеска портпаролот на СВР Велес, Биљана Ѓаковска.
Како што информираат од ЈЗУ Општа болница Велес, по укажаната лекарска помош и направените рендген снимања кај повредениот била констатирана скршеница на лево рамо. На пациентот му била направена опсервација и потоа бил испратен на понатамошно лекување во Клиниката за ортопедија во Скопје.