Жерновски: Ова мора да е последна година од екстерното тестирање-неуспешниот партиски експеримент

Од:

За градоначалникот на општина Центар Андреј Жерновски, екстерното тестирање е мачење за децата и полно со апсурдни прашања. Пишувајќи како родител, тој вели дека ова мора да биде последната година на овој неуспешен партиски експеримент.

Еве што напиша Жерновски:

Уште една година екстерно тестирање и уште една година мачење на децата, апсурдни прашања и неефикасен систем.

Овој пат пишувам како родител, чии деца поминуваат низ пеколот на подготовки и полагање на екстерното. Убеден сум дека не постои рационален родител во земјава, кој смета дека екстерното тестирање го подобрува знаењето или го унапредува образовниот процес на неговото дете.

Прво, тестирањето е страшен стрес за децата. Додека во светот се намалуваат тестовите и испрашувањата како форма на учење, во Македонија се воведоа нови тестови.

Самите прашања и целата организација на процесот е лош и нефункционален. Секоја година кружат по интернет смешни и нелогични прашања. Денеска прочитав дека наставниците намерно не заклучуваат оцени, само за да ги усогласт со резултатот на учениците од екстерното. Целиот процес е непромислен и ги нарушува редовните функционални практики во образованието.

Јас како градоначалник на Центар, за жал, немам ингеренции да направам промени во образовниот процес. Но, имам увид за состојбите од комуникација со училиштата и вработените во образованието. Одговорно тврдам дека буквално, ама буквално никој не го поддржува ова тестирање, а просветните работници, како и самите ученици, се противат на овој проект.

Ова мора да биде последната година на овој неуспешен партиски експеримент, за да можат и нашите деца да ја имаат онаа иста насмевка која ја имавме ние кога започнуваше летниот распуст.

Би можело да ве интересира

Жерновски: Се врати ВМРО-МВРО, одговорност од Чулев

Ана Ололовска

Жерновски: Законот за ЈО, ветер во грб на патот кон ЕУ

Драган Поповски

Жерновски – Брнз: САД остануваат наш посветен сојузник на патот до полноправно членство во НАТО и ЕУ

Драган Поповски

(ВИДЕО) Трајковски: Се сомневаме дека Жерновски дал милион денари за СЈО кривично да не гони

Виктор Јованов

Жерновски се потпиша во книгата за жалост за смртта на Клаус Кинкел

Жерновски во Женева на 40-та сесија на Советот за човекови права на ОН