Градоначалникот на општина Центар Андреј Жерновски одговори на тврдењата на Стевчо Јакимовски, градоначалник на Карпош, кој напиша дека, наводно, Жерновски ги запалил моторите и одлетал за Бразил.
Еве што одговори Жерновски:
Почитуван колега, драг комшијо, ценет новопечен комито, како си?
Те поздравувам од Бразил. Веројатно знаеш, овде привршува светското првенство во фудбал. Да ги догледам вечер и утре полуфиналниве натпревари и се враќам дома. Штета, не успеав да набавам карти за финалето, но ме теши помислата дека ќе можеме да го проследиме заедно, на неутрален терен. Да кажеме, на Рузвелтова.
Сакам да ти донесам некој поклон, сувенир, па си мислев што да ти купам. Имаш некој предлог?
Си размислувам… има тука едно зеленило, што не може ниту една секта на светот да го украде !!! Одговара?
Срдечен поздрав од Бразил, земјата на фудбалот и боса новата.