Триесет и шест годишна жена почина денеска изутрина во сообраќајка меѓу автомобил и трактор на патот Битола – Кичево, на 200 метри од излезот од село Лопатица кон Демир Хисар.
Како што соопшти денеска МВР, сообраќајката се случила во 4 часот и 5 минути меѓу патничко возило марка „БМВ“ управувано од Н.Н. (37) од село Журче, Демирхисарско и трактор марка „ИМТ“ управувано од М.З. (41) исто така од село Журче, Демирхисарско.
Од несреќата, поради тежините на повредите, М.М. (36), сопатник во тракторот починала на пат до Битолската општа болница, додека М.С. (14), М.В. (63), сопатници во тракторот, како и возачот М.З. се здобиле со тешки телесни повреди, но се надвор од животна опасност.
Сопатникот во патничкото возило Н.М. (29) исто така се здобила со тешки телесни повреди, а кај возачот на „БМВ-то“ биле констатирани телесни повреди.
На место на настанот извршен е увид од страна на Јавен обвинител и увидна екипа од СВР Битола. Се работи на целосно расчистување на случајот.