Денеска завршува учебната година за 291.191 ученик во основните и средните училишта во Македонија.
Сепак, поради лошите временски услови и губењето часови во зимскиот период, од Министерството за образование и наука информираат дека и утре часови ќе имаат ученците од Крушево, Дебар, Кривогаштани, Чучер Сандево, Зелениково и Новаци, Студеничани, како и учениците во селото Обедник во Демир Хисар.
За еден ден крајот на учебната 2011/2012 ќе биде одложен и во училиштата во неколку села во Крива Паланка, Прилеп и во Маврово и Ростуша, како и во Добри Дол, општина Сопиште.
До 15-ти јуни настава ќе имаат учениците во селото Дражилово, а еден ден порано наставата ќе заврши во велешкото село Иванковци.За учениците од подрачното основно училиште во Подмол, општина Прилеп учебната година завршува на 13 јуни.
Во учебната 2012-2013 година треба да се запишат 26.657 деца. Во оваа бројка влегуваат децата родени во 2006 година и јануари 2007 година.