Започнуваат уписите за академската 2012/2013 година на приватните и државните универзитети во Републикава.
На располагање има 28.988 слободни места од кои 17.371 се предвидени за редовните студенти во државна квота, 7.805 слободни места се за квотата редовни студенти со кофинансирање на студиите и 3.812 слободни места за вонредни студенти истакна денеска Министерство за образование и наука.
На Универзитетот „Св. Кирил и Методиј“ во Скопје има вкупно 12.251 слободни место од кои 6.904 се за редовните студенти во државна квота, 3.931 слободни места предвидени се за квотата редовни студенти со кофинансирање на студиите и 1.416 слободни места за вонредни студенти.