Полицијата извести дека го уапсила З.Т.(60) од Битола. Врз основа на наредба од Основниот суд во Битола бил извршен претрес во дом и помошна просторија во Битола, сопственост на З.Т. при што се пронајдени 4.080 парчиња различни пиротехнички средства-огномети и петарди.
Претходно, на 22.12.2023 во 20.30 часот на улицата „Филип Втори Македонски” во Битола, при преглед на патничкото возило „поло” сопственост на З.Т. се пронајдени 2.713 парчиња различни пиротехнички средства.
По документирање на настанот против лицето ќе биде поднесена кривична пријава.