Заев: СДСМ ја поддржува Резолуцијата на ВМРО-ДПМНЕ, ама во неа да пишува Северна Македонија

Од:

СДСМ ја поддржува Резолуцијата поднесена од ВМРО-ДПМНЕ и целосно стои зад заштитата на македонскиот јазик и идентитет, но Уставот во однос на името на државата мора да се почитува, рече денеска премиерот Зоран Заев.

Заев напомена дека во документот, секаде каде што се наведува името на државата, треба да стои Република Северна Македонија.

-Ако некој сака да го избегне уставното име, нека го прави тоа сам, ние тука нема да партиципираме. Нема да го кршиме Уставот. Уставното име на државата е Република Северна Македонија. Ја поддржуваме Декларацијата на ВМРО-ДПМНЕ, ќе застанеме зад неа, на сите да им биде јасно дека сме сите заедно застанати во заштита на македонскиот јазик и идентитет, но тоа не значи дека треба да го кршиме Уставот, напомена Заев.

Први што треба да го почитуваат Уставот, дополни, се токму Парламентот, Владата, институциите и политичките партии.

-Во Резолуцијата на неколку места се спомнува Република Македонија, а во Уставот е Република Северна Македонија. И во Преамбулата, треба да стои Република Северна Македонија. Тоа е Устав, а не дали ние сакаме или не сакаме да биде вградено, рече премиерот.

На новинарско прашање дали е спорно тоа што опозицијата ги поднесува законите до „Собранието на Република С. Македонија“, Заев е дециден дека и тоа не е уставно.

-Во нашиот Устав не пишува дека ние сме Република С. Макeдонија. Ние сме Република Северна Македонија. Граѓаните за тоа прашање се изјаснија на референдум и согласно Уставот, две третини. Парламентот во дискусија од 130 дена, трипати гласајќи, ја донесе одлуката за нашето ново уставно име. На името Република Македонија се додаде зборчето Северна и тоа е дел од Преспанската спогодба која е закон веќе, а е дел и од Уставот. Очекувам да се почитува Уставот од страна на сите, а политичките партии треба да бидат први. Непочитувачи ако се граѓаните сигурно ќе имаат реперкусии, а политичките партии не е во ред да останат неказнети и да не сносат последици зашто така им текнало, им паднало на памет да не го употребуваат уставното име, односно да не го почитуваат Уставот, рече Заев.

Би можело да ве интересира

Усвоена Резолуцијата за „црвените линии“ во преговорите со Бугарија, разговорите со Софија ќе продолжат откако ќе се формира влада

Ана Ололовска

Усвоена Резолуцијата на ВМРО-ДПМНЕ, прифатенo барањето на СДСМ за „Северна Македонија“

Ана Ололовска

Митрески: За јазикот и идентитетот нема преговори, поднесовме амандман за резолуцијата да биде уставна

Ана Ололовска

Муцунски: Целото општество е подготвено за итен почеток на пристапните преговори со ЕУ ако процесот се заснова на почитување на меѓународното право и европските вредности

Ана Ололовска

На собраниска седница Предлог- резолуцијата на ВМРО-ДПМНЕ за „црвените линии“ во разговорите со Бугарија

Ана Ололовска

И ДУИ ќе ја поддржи резолуцијата за „црвените линии“ само ако во неа пишува „Северна Македонија“

Ана Ололовска