Македонија и САД наскоро ќе започнат со заеднички проект за спречување и справување со криминалот особено со организираниот криминал и корупцијата.
Според владиниот портпарол Алесандар Ѓорѓиев, проектот ќе се фокусира на истрагата и ефективното кривично гонење, лоцирање на одговорноста на сторителите и нивно казнување, како и унапредување на јавната безбедност и доброто владеење.
„Со овој проект кој се реализира со партнерство со САД очекуваме да се засилат капацитетите на институциите, да се зголемат знаењата и вештините на кадарот во институциите се со цел достигнување на нови стандарди кои се од интерес за ефикасно и ефективно работење и од интерес на граѓаните на Република Македонија. Ова е покажува сериозната посветеност на Владата за унапредување на стандардите, а кредибилитетот на партнерот во оваа сфера е гаранција за успешност на целиот проект и квалитетно спроведување на законите“, рече Ѓорѓиев.