Времето во Македонија утре ќе биде сончево со мала локална облачност повеќе на исток и на југ од земјата. Ќе дува слаб северен ветер.
Утринската температура ќе се движи од девет до 17, а дневната од 27 до 33 степени.
Во Скопје сончево со мала локална облачност и со слаб северен ветер. Утринската температура ќе се спушти до 14, а дневната ќе се искачи до 32 степени.
УВ-индексот ќе има вредност 7.
Следува период на стабилно, сончево и топло време со мала до умерена облачност. Температурата ќе биде во постепен пораст. Во среда кон крајот на денот претежно во западните делови и во четврток и во останатите се очекуваат локални врнежи од дожд и умерена нестабилност со благо опаѓање на дневната температура.