ВРЕДИ за скандирањата: Институциите функционираат, за разлика од времето на ДУИ кога вакви случаи се прикриваа без никаква одговорност

Од:

Настанот во Куманово беше сериозен инцидент, кој ја вознемири целата јавност. ВЛЕН силно го осуди, вели во изјава дадена на прес – конференција портпаролот Дритон Сулејмани.

„Но, за разлика од времето кога ДУИ беше дел од власта и ваквите случаи се прикриваа и игнорираа, денес државата реагира брзо, решително и транспарентно.

Јавното обвинителство веќе отвори случај, а Министерството за внатрешни работи води истрага и веќе ги повикува осомничените.
Ова е доказ дека денес институциите функционираат. Денес државата не се крие, не се обидува да го релативизира проблемот и не штити никого.

За разлика од ова, во времето на ДУИ беа прикривани многу потешки случаи на насилство, дискриминација и трагедии, без ниту една оставка и без никаква одговорност:

• Монструм, каде Албанци беа обвинети како терористи без докази;
• Диво Насеље, каде 10 Албанци беа убиени во сомнителна полициска акција;
• Случајот Алфа, монтиран процес со неправедни пресуди;
• Убиството на Харун Алиу, поранешен борец на ОНА, под неразјаснети околности;
• Скопје 2014 – проект без ниту еден албански елемент во срцето на главниот град;
• Споменикот на Цар Душан во центарот на Скопје;
• 27 април, кога албанските пратеници беа тепани во Собранието, без вистинска политичка реакција;
• Модуларната болница во Тетово, каде загинаа невини граѓани – без оставки и одговорност;
• Дурмо Турс и Беса Транс, каде загинаа десетици и десетици Албанци, а ДУИ молчеше и никој не одговараше.

ДУИ денес зборува за патриотизам и достоинство, но ја заборава својата темна историја на молк, сервилност и прикривање на трагедии.
Нашата порака е јасна:
Денес државата не молчи. Денес има реакција, истрага и одговорност. ДУИ треба да престане со празни зборови и да се соочи со вистината за својата дведецениска историја на политички срам“, рече Дритон Сулејмани портпарол на ВРЕДИ.

Би можело да ве интересира

Насилникот во Охрид пуштен, таткото на Сара од вчера  во полициска станица-правда мора да има

Предраг Петровиќ

ВРЕДИ: Артан Груби лично потпиша продажба на државните акции кои завршија кај Давор Мацура

А1он

ВРЕДИ: Давор Мацура директно ги има купено акциите од сватот на Али Ахмети

Европа ги отфрли руските барања за мировните преговори за Украина

Предраг Петровиќ

ЗНМ и ССНМ реагираат: Попречувана новинарка на Телма при известување за инцидентот во Битола

ВМРО-ДПМНЕ: Бетон Герасимовски вети бесплатен, а не субвенциониран оброк за учениците од септември

Предраг Петровиќ