Вреди: Гаши се однесувал според прописите предвидени со закон и протокол за безбедност

Од:

Коалицијата Вреди реагираше на тврдењата на дека претседателот на Собранието Африм Гаши бил со службено возило на свадба на Косово, посочувајќи дека имајќи ја предвид неговата висока позиција и важноста од одржување на стандардите за безбедност и државен протокол, „Гаши се однесува според прописите предвидени со закон и протоколот за безбедност“.

-Оваа одлука е во согласност со вообичаената практика за високи службеници, со цел да се обезбеди заштита и непречено извршување на неговите обврски. Всушност, обезбедувањето на Претседателот на Собранието е должно да го следи секое негово движење. И во случајот со посетата во Косово, која стана тема од некои опозициони настроени медиуми, нема никако нарушување на овие стандарди и тоа може да се провери од сите заинтересирани страни, наведуваат од Вреди.

Од коалицијата наведуваат дека во отсуство на политичка агенда и стравувајќи за своето минато, некои опозициски партии се обидуваат преку искривување на вистината, да манипулираат со јавноста дека се работи за некое кршење на предвидените стандарди.

-Сепак, Претседателот е посветен на целосна и транспарентна соработка за разјаснување на сите аспекти на тој настан, но и за секоја друга тема што ја засега јавноста, посочуваат од Вреди.

Би можело да ве интересира

ДУИ: Наместо уставни измени и европска интеграција, Вреди ја отвори вратата за опасни влијанија од Белград и Москва

Меџити: Наша обврска е на учениците да им овозможиме што подобри услови за учење и развој

Влен: Албанците го казнија ДУИ, Таравари денес им се поклонува на Ахмети и Груби

Вреди му поднесе кривична пријава на Бујар Османи

Влен: Некоја структура во државата очигледно го штити и негува Бујар Османи како свој миленик

Нема да дозволиме неправда, заврши времето на измами, велат од Влен