Вчеравечер околу 22 часот, 55-годишен скопјанец бил натепан од две млади лица на возраст од 23 и 24 години од скопски Сарај, кои го нападнале со уште три лица. Тие употребиле и предмети за да го повредат.
„На 19.06.2021 во 22.26 часот во СВР Скопје било пријавено дека на паркинг на подрачјето на Карпош, по претходна расправија поради сообраќајно недоразбирање, Б.Л.(52) од Скопје бил физички нападнат од И.Т.(23) од Скопје, Б.А.(24) од с.Сарај, скопско, и уште три лица, при што биле употребени тврд и остар предмет. Според пријавеното, бил нападнат и И.Р.(26) од Скопје, при обид да ги раздели“, велат од МВР.
Се преземаат мерки за расчистување на случајот.