Водата се повлекува од поплавеното подрачје во Општина Босилово, се утврдува штетата

Од:

Водата полека се повлекува од триесетината објекти и голема површина земјиште кои од вчера се под вода на влезот во селото Турново, во Општина Босилово.

dobivaj vesti na viber

Таму се излеаја реките Струмица и Турија, а водата навлезе во повеќе објекти. Целосно се поплавени фудбалскиот терен, соблекувалните и спортската сала на ФК „Турново“, објектот на Ветеринарната станица и дваесетина куќи и помошни објекти.

Од ФК „Турново“ информираа дека е направен испуст за истекување на водата во реката Турија и очекуваат во наредните денови, доколку нема нови врнежи, таа да истече од поплавените објекти.

– Поднесовме барање до Општина Босилово за утврдување на штетата, а ќе поднесеме и барања за помош до ФФМ и Агенцијата за млади и спорт. Според нашите првични проценки штетата е над 50 илјади евра, но поголема е штетата што нашите фудбалери и 120 деца од помладите категории не можат да тренираат, велат од ФК „Турново“.

Градоначалникот на Босилово, Ристо Манчев вели дека состојбата со поплавите полека се нормализира и дека Општината преземе се што е во нејзини ингеренции да им се помогне на поплавените.

Инаку, влезот во селото Турново со години се поплавува при обилни врнежи и излевање на реката Струмица. Жителите велат дека многу пати досега барале да се реши овој проблем, но досега ништо не било преземено.

Би можело да ве интересира

Во поплавите во ЈАР загинаа 395 лица, стравувања дека смртниот биланс ќе расте

А1он

Најмалку 45 жртви во поплавите во Јужна Африка

А1он

Се полави кочанско училиште, протекол покривот што се реконструира

Најмалку две лица загинаа во поплавите во Шпанија, повеќе од 50 се евакуирани

А1он

Се излееја реките во Општина Босилово, под вода неколку објекти, дваесетина куќи и ниви

Треска се излеа кај Македонски Брод, силните врнежи ги оштетија и патиштата до повеќе села во Поречијата

А1он