21:00 Заврши протестот на граѓанското движење „Протестирам“, кое бара Иванов да ги повлече одлуките за аболиција, да поднесе оставка и да се одложат изборите закажани за 5 јуни.
20:36 Од ветер се урна скелето кое беше поставено за да се исчисти Владата откако на минатонеделните протести белата барокна фасада со разни бои беше исфарбана од демонстрантите.
20:34 Демонстрантите се пред Влада.
20:15 Од МНР демонстрантите се упатуваат кон Влада.
19:58 Се фрла боја врз Министерството за надворешни работи.
19:55 Протестите од Собранието се придвижија кон Министерството за надворешни работи. Дел од граѓаните застанаа пред полицајците за да ги заштитат доколку евентуално се фрла боја на зградата.
19:40 Граѓаните се упатија кон МНР, а потоа кон Влада.
19:30 Од ова место пред неколку дена беше побарано да бидеме забранети и сотрени, но нема да не сотрете, нема тоа ви го дозволиме, порача Петре Шилегов од пред Собранието на Македонија.
-Ние никогаш нема да побараме забрана на ВМРО-ДПМНЕ, свесни сме дека Македонија не е заложник на ВМРО-ДПМНЕ, туку на сто криминалци во раководството на ВМРО-ДПМНЕ. Повикувувајте го секој граѓанин да се приклулчи, сите ни се потребни зошто само шарена Македонија е онаа која ние ја посакуваме, и за која се бориме.
19:19 „Протестирам и во името на моите колеги, кои што молчат, затоа што изборните кампањи се најдобро платени“, изјави пред Собранието пејачката Кристина Арнаудова.
19:10 Неколку илјади демонстранти пристигнаа пред Собранието, каде извикуваат „Никола на робија!“, „Џабе ти е аболиција, затвор не ти бега Никола”. На граѓаните кои протестираат пред Собранието не им пречи дождот. Mожат да се забележат стотици шарени чадори во име на т.н. Шарена револуција.
19:03 Големо полициско обезбедување пред Министерството за правда.
18:56 Запалени фотографии од Ѓорге Иванов
18:48Илјадници граѓани со извици „Лопови, лопови!” и повик за слобода го почнаа протестниот марш, откако се собра пред СЈО, тргнаа кон Собранието.
18:40 Почна протестот пред СЈО
18:26 Големо полициско обезбедување се забележува во центарот на Скопје. Полицајци се распоредени во близина и зад објектите од проектот Скопје 2014, кои се цел на демонстрантите од „Шарената Револуција“.
18:13 Сојузот на Борци на Македоније со огромен аплауз пречекани пред СЈО. Тие се приклучуваат кон протестот против аболицијата на Иванов.
18:10 Голем број на припадници на МВР пред музјеот на ВМРО.
18:00 14-ти ден од „ШаренатаРеволуција, почнаа да се собираат граѓани пред СЈО во знак на поддршка.
Од „протестирам“ се повикува на бунт против авторитарниот и корумпиран режим, против хајки против нашите слободоумни соборци.
Ќе се бара итно повлекување на одлуката за аболиција на сите оние против кои се води истрага и против кои е покренато обвинение од страна на СЈО, итна и неотповиклива оставка на Ѓорге Иванов, произнесување на Уставниот суд за уставноста на СЈО, формирање на специјално одделение на Кривичниот суд, кое ќе биде надлежно за случаите под јурисдикција на СЈО, итно повлекување на одлуката за одржување на парламентарни избори на 5 јуни, задолжително вклучување и присуство на независни претставници на граѓанското општество во процесот на решавање на кризата, процесот на решавање на кризата да се одвива на територијата на Република Македонија и формирање на преодна влада која докрај ќе ги имплементира итните реформски приоритети од извештајот на Прибе.