Прв натпреварувачки турнир во пинг понг „Велес Опен 2014“ во машка и женска конкуренција се одржа денеска во спортската сала „Гемиџии“ во Велес во организација на ЈП „Парк Спорт“.
На турнирот настапија околу стотина натпреварувачи од кои поголем дел во машка и 20 учеснички во женска конкуренција. Дел од натпреварувачите беа и државните шампиони во пинг понг во двете конкуренции.
На најдобрите им беа поделени признанија и парични награди. Александар Табаков, директор на ЈП „Парк Спорт“ за медиумите изјави дека е задоволен од овој прв натпреварувачки турнир бидејќи досега во Велес се одржувале само рекреативни турнири во пинг понг.
– Задоволни сме од бројот на учесниците и од играта на натпреварувачите, а натпреварите го свртеа вниманието на голем број љубители на пинг понгот од градот, што ни дава поттик да продолжиме со организација и на други вакви натпревари за кои во Велес има голем интерес, потенцира Табаков. ад/рп