Вчера, околу 18.20 часот во СВР Струмица било пријавено дека на локалниот пат Ново Село – село Мокриево, струмичко, 45-годишниот С.С. од Мокриево, управувајќи патничко возило „фолксваген пасат“ со струмички регистарски ознаки, изгубил контрола и излетал од патот, извести МВР.
– Од здобиените повреди на местото на несреќата починал сопатникот, 38-годишниот С.Т. од село Мокриево, а смрт констатирал лекар од Итна медицинска помош. Возачот С.С. и сопатникот 44-годишниот Д.Д. од село Мокриево се здобиле со тешки телесни повреди, констатирани во болницата во Струмица, соопшти МВР.
Увид на местото извршиле Јавен обвинител и екипа од СВР Струмица.