Министерството за правда направи анализа и во тек е постапка за состојбата во велешкото одделение на воспитно поправниот дом „Тетово“, истакна денеска ресорниот министер Аднан Јашари. По завршување на постапката, тој најави преземање соодветни мерки.
Претседателот на Државниот совет за превенција од детско претстапништво Миле Гиновски истакна дека во двата случаи со силување малолетници во затворот во Велес излегле на терен и донеле соодветни заклучоци. – Во постапка се одредени одговорности и одредени промени на кадри и уште еднаш се зајакнува контролата на оваа институција, посебно за условите кои се многу лоши, рече Гиновски.
Во тек е изградбата на новиот Дом во Тетово, кој, според Гиновски, ќе придонесе да не доаѓа до вакви случаи, кои како што рече, иако не се оправдани во голем дел влијаат и условите.