Годинашното осмо издание на интернационалниот фестивал за документарен краткометражен и анимиран филм „Астер фест“ свечено беше отворено синоќа свечено во Центарот за култура „Антон Панов“ во Струмица со доделувањето на наградата „Астер“.
Наградите на годинашните лауреати, режисерот Владимир Блажевски и актерот Славко Штимац, им ги врачи градоначалникот на Струмица, Зоран Заев.
Годинашниот „Астер Фест” се одржува под мотото „Одисеја 2012” и најавена е богата и разновидна програма од над 50 документарни, краткометражни и анимирани филмови.
Првиот човек на „Астер Фест“, Горан Тренчовск од годинава најави и нова награда за сценарио, кое ќе го носи името на нашиот познат романсиер и сценарист Ѓорѓи Абаџиев.
