Советот за казнени дела при Врховниот суд на Република Северна Македонија денеска донесе одлука со која Основниот кривичен суд Скопје е определен како стварно и месно надлежен за водење на судскиот процес поврзан со трагичниот пожар во дискотеката „Пулс“ во Кочани.
-Советот за казниви дела при Врховниот суд на Република Северна Македонија, денес на 25 јуни 2025 годинa донесе Решение КР-35/25, со кое за стварно и месно надлежен суд за постапување по предметот КООА.бр.13/25 на Основен суд Кочани, оформен во врска со пожарот кој се случи на 16 март 2025 година во дискотеката „Пулс“, го определи Основниот кривичен суд Скопје, стои во соопштението на Врховен.
Согласно обвинителниот акт, на 34 физички и три правни лица обвинети за пожарот во дискотеката „Пулс“ им се ставаат на товар – тешки дела против општата сигурност.
Помеѓу обвинетите се сопственици на локали, управители, инспектори, градоначалници, членови на обезбедување и државни службеници.
Поради немање доволно докази, постапката се запира за 11 лица, помеѓу кои двајца поранешни министри.
Во пожарот што се случи на 16 март годинава животот го загубија 62 лица помеѓу кои шест деца, а над 200 беа повредени.