Скопје денеска загуби уште осум жители кои починаа од последиците од коронавирусот. Најмладиот од нив е на 51-годишна возраст. Најстариот на 84 години. Осумтемина скопјани се дел од 20-те починати кои денеска ги регистрираа здравствените власти.
Во главниот град во последните 24 часа има 329 новозаразени со Ковид-19. Со нив вкупната бројка на активни случаи е 11 956. Од почетокот на пандемијата вкупно во Скопје се регистрирани 33 643 случаи. 79 пациенти од Скопје денеска излегле од ковид центрите.
Втор град според бројот на активни случаи по Скопје е Тетово кој во моментов има 1009 случаи. Денеска во овој град има 51 новорегистриран случај.