Во петте штипски основни училишта треба да зе запишат уште 110 првачиња. Ване Маневски раководител на Секторот за јавни работи и ЛЕР при Општина Штип вели дека според анализите на општината и на основните училишта во прво одделение треба да се запишат 498, а досега се запишани 388 првачиња.
-Очекуваме до крајот на месецов да се запишат уште 80 првачиња во основните училишта во Штип. Податоците од патронажаната служба покажуваат дека вкупниот број на првачиња треба да биде 498, вели Маневски.
Тој додадава дека останатите 30 деца според статистичките податоци се иселени или поради некои други причини нема да ја посетуваат наставата во основните училишта. Маневски потенцира дека согласно најавите од директорите на детските градинки бројот на првачиња во Штип ќе се зголемува во споредба со минатите неколку години каде што се бележи намалување на бројот на запишани ученици во прво одделение.
Директорот на ОУ „Гоце Делчев“, Васил Николов апелира родителите да ги запишат своите деца во прво одделение, а во оваа училиште досега бројот на запишани изнесува 68 деца.